موضوع مهم جداً وبسيط حبيت أكتب فيه المسودة دي ويارب يوصل لناس كثير نظراً لما فيه من الإفادة..
ناس كتير أوي لو سألتهم عن منتصف الليل بيكون امتى هيجاوبوك بسرعة الساعة 12، لكن لو فكرنا شوية بتأني هنلاقي إن الشروق والغروب وقته بيتغير كل يوم ومع كل فصل من فصول السنة، وبناء عليه الليل بيطول في الشتاء وبيقصر في الصيف اللي هو بردو بيفرق كتير أو إنك تعرف الليل كام ساعة علشان تحدد ثلثه ونصفه وهكذا وده طبعا بيفيد في كثير من الأحكام الفقهية زي قيام الليل وصلاة العشاء للناس اللي بتحب تأخرها لمنتصف الليل وهكذا..
وعلشان تقدر تحدد منتصف الليل بنفسك أو ثلثه الأول والثاني والأخير بطريقة صحيحة هتقوم بعملية حسابية بسيطة خالص من خلال المعادلة السهلة دي
نصف الليل = مجموع الوقت من غروب الشمس إلى طلوع الفجر ÷ 2+وقت غروب الشمس والناتج هو منتصف الليل
يعني لو قلنا إن الغروب النهاردة الساعة 6 مثلا والفجر الساعة 5 هنجمعهم
6+5 = 11
ونقسم الناتج على 2
11 ÷ 2 = 5,5
هتجمع الناتج مع وقت غروب الشمس اللي هو الساعة 6
يبقى 5,5 + 6 = 11,5
ويبقى الناتج هو موعد منتصف الليل حسب وقت الغروب والفجر
طيب في طريقة أبسط من كدة لكن بتكون في المناطق المعتدلة زي مصر مثلا وهي إن نفس الساعة اللي بيأذن فيها الظهر بتكون هي نفسها ساعة منتصف الليل..
يعني النهاردة مثلا الظهر الساعة 12 يبقى منتصف الليل بردو الساعة 12
رأيك مهم لذا لا تبخل بترك تعليقك