الخيانة

ومين بيسأل على الوفا
مسألش ليه على الخيانة
دي الناس وجعها في الوفا
ودواها موجود في الخيانة
كم مرة وفيت واتهجرت
وخنت مرات واترغبت
مرغوب يا قلبي لو قسيت
لو رقيت تبقى اتنسيت
ومهما عرفت ناس وانتقيت
بلاش في يوم ألقاك اشتكيت
معرفة الناس محتاجة جمود
دول مهما يكونوا آكلهم دود
ولا مستاهلين دمعة عيون
ولا حتى لطمة على الخدود
ومين بيسأل على الوجع
مسألش ليه على الدوا
والناس وجعها في الوفا
ودواها موجود في الخيانة