كان يا ما كان..
كان في زمان..
نظام إرهاب..
لينا واحنا أطفال..
اسمه نام ليطلعك البعبع..
نام لأحسن أمنا الغولة..
تطلع تأكلك!!
ودلوقت بقى فيه نظام..
مجرد ما تفوق وتصحى..
وتدافع عن عرضك وأرضك..
وتفوق للعمالة والخسة والندالة..
والفلوس اللي بتشتري وطنك..
في لحظة يطلعلك الإرهاب..
يعمل تفجير لصالح الخاين؟!
علشان يسكتك ويقولك نام..
خاف من أمنا الغولة..
لأحسن تقتلنا كلنا..
وتيجي تدور على أمنا الغولة..
اللي انت مرعوب منها..
تلاقيها شبح لا وجود له..
أسطورة مش عايشة..
غير بس جوانا..
بينيمونا بيها..
نام يا جبان..
نام وملكش دعوة بحاجة..
رأيك مهم لذا لا تبخل بترك تعليقك